有次同朋友食飯嘅時候聽朋友講起「一對一身體潛意識引導」起初對呢樣嘢冇乜特別嘅感覺，只係覺得幾得意。直到最近成日覺得個心好翳悶，但係近期先至做過body check身體狀況都好正常下喎，個腦突然間彈出左「身體潛意識引導」，心諗可能身體真係提示我要去睇吓發生咩事呢，把心一橫就去試一試。

之前自己其實都好少接觸「身、心、靈」只係聽朋友講過，所以去做「身體潛意識引導」當日其實都係有啲緊張。但係當去到中心嗰時成個人都覺得好放鬆好安心，即時將之前所有緊張嘅感覺都放低左，然後跟住引導師嘅引導揾到心唔舒服嘅因由，睇到嗰個原因嘅時候我完全爆喊咗出嚟，原來我一直未釋懷過到去年我外婆過身嘅事，外婆走得有啲突然但外婆年紀都好大所以都難免。當時自己都好傷心，但係日子始終都係要過而我自己工作一直都好忙，加上男兒有淚不輕彈，所以我表面上好快已經收拾好心情過返正常嘅忙碌生活，如果唔係今次因為心口覺得唔舒服，我都唔知道原來所有呢啲悲傷都收埋係個心入邊冇釋放到出嚟只有越收越埋。

終於明白所謂嘅心病，如果唔係今次機緣巧合之下做咗呢個「身體潛意識引導」，我諗我可能遲早真係會屈出病，好多謝引導師嘅協助幫我將身體呢啲情緒都發晒出嚟，而我經過今次嘅引導亦都明白到其實唔開心都可以好好咁表達出嚟，就算喊出嚟都係可以，自己有時太過顧給面子所以反而將情緒綁住晒係自己入面，久而久之身體頂唔順嘅時候就喺度同我投訴，同時覺得自己要好好珍惜同陪伴身邊的人由其係家人，之前一直忙住做嘢好多時都忽略咗屋企人，所以婆婆走嘅時侯自己特別後悔點解當時冇成日去探婆婆，其實永遠都有忙唔完嘅工作但人冇咗就係冇咗唔會追得返。

今次嘅體驗好特別，我之前以為好似催眠咁點知完全唔係嗰回事，我又以為要做好多個鐘引導先至可以解決到我嘅問題但又唔係，引導師真係快、狠、凖，短短兩小時已經將我當下嘅問題勾晒出嚟，再用佢嘅法寶幫我搞掂曬，做完成個「身體潛意識引導」之後個人覺得輕左、個心鬆咗、連呼吸都大啖咗，我以後都會好好咁留意身體俾我嘅啟示。